Shillong: Ka jingialang ka Cabinet Committee on Security kaba long kyrkieh mynta ka 23 tarik Iaiong, 2025, kaba khleh da u Myntri Rangbahduh ka ri u Narendra Modi ka la shim ia ka rai ba ki briew ka Pakistan kiba don ha India ki dei ban mih noh shwa ka 1 tarik u Jymmang.
Kiwei pat ki rai ka Cabinet Committee on Security ka long ba la pynsangeh ia ka jingiateh Indus Waters Treaty bad ka Pakistan kaba ai um 39 billion cubic meter sha Pakistan. Ka la beh noh ia ki diplomat ka Pakistan na New Delhi. Ia ka Attari-Wagah checkpost la khang noh bad la shah ia ki briew na Pakistan ba kin leit phai shwa ka 1 tarik Jymmang.
Ka India ka khang ia ki briew na Pakistan ban wan sha India kaba ju pyntreikam lyngba ka Saarc visa exemption scheme. Ki briew na Pakistan kiba don ha India ki dei ban mih noh hapoh 48 kynta.
Kane ka rai ka long hadien ba 26 ngut ki nongleitkai sha Pahalgam ha Jammu bad Kashmir kila kyllon iap ha ka jingsynreit kuli ki leh ha ka 22 tarik Iaiong, 2025.
Mih noh shwa ka 1 tarik u Jymmang, beh ka India ia ki briew na Pakistan
