Shillong: Ka SDO Pynursla Civil Sub-Division ka Kong EL Warjri kala pynbna paidbah mynta ka 21 tarik Iaiong 2025, ba kan don ka jingshna surok ha ka bynta kaba hap ha ka 24 km harum Laitlyngkot bad ha ka 37km hajan Lyngkyrdem da ka kompeni.
Namar ba ka donkam ban ot ban pum ia ki lum, ka la donkam ba ki nongiaid nongieng kin long kiba husiar khamtam ha ka por ba slap bad mar ia rang. Ka SDO kala ong ba namar ba mynta ka la sdang ka aiom lyiur, la bthah ia ki nongiaid nongieng ban niah phikir bha bad ban bud ia ki dak ki shin kiba la bthah ka kompeni tih surok bad lada don kano kano ka jingtwa ne ka jingsniew ka surok kaba lah ban buh jingma, dei ban pyntip mar mar sha u BDO lane sha SDO Pynursla.
Husiar ka iaid sha surok narum Laitlyngkot-Rngain sha Lyngkyrdem ba dang ot lum ka kompeni
