Shillong: U actor ne tyngshop uba dei ruh u model uba ieit bha ha ka jingkilanmet, u Milind Soman bad ka lok jongu, kila pynkyndit ia ki paidbah haba ki wan ban iuhkjat bad ban pyllut por ban iaid kjat ha ka Bamboo trek ne jingkieng siej sha u Mawryngkhang, ha Wahkhen.
Ha ka Instagram jongu, u la thep ia ki dur bad ki video ba u leh exercise ne kilanmet ha lynti jingkieng siej.
Une u actor ba pawnam ka ri, u la iasam ha ka page jong u da kaba pynpaw ba ka jingiaid kjat ka dei kaba itynnad tam kaba u la ioh mad.
U la thoh kumne, “I lok bad ma nga, ngi la ioh ia ka por kaba khraw ban iaid kjat sha u Mawryngkhang ha Meghalaya mynta ka sngi, (17 tarik Iaiong, 2025). Kaba pynsah jingkynmaw shisha, ki jingkieng siej ki dei kiba itynnad haduh katta katta ba la shna ki briew ka shnong, kaba khlain bad kaba skhem, kawei na ki jingiaid kjat kaba itynnad tam kaba nga la mad bad ka bym khapngiah briew, ngan wan biang. Ka khana jong u Mawryngkhang ka long kaba thiang shisha bad leit na Google”, u la ong.
La iohi ba u myntri rangbah ka Meghalaya ruh u Conrad K Sangma ula ai khublei ia ka jingwan jngoh u Milnd bad ula kyrpad ba un wan jngoh biang ia ka Meghalaya, ha kaba u Milind ula jubab ba un iai wan ban jngoh ia ka Meghalaya kaba itynnad haduh katta katta.
Ka bamboo trek ne ka jingkieng siej kaba shna ki briew kane ka shnong la niew ba ka dei kaba syier tam namar ka iaid lyngba hapdeng ki riat bad ki them ki wah.
Wan iuhkjat u Actor uba dei u model ba pawnam ka pyrthei ha u Mawryngkhang
