Shillong: Kiba pyniap dohkha bad pynsniew ia ka mariang ha ka wah Sdad wah umkhrah shaduh Sdad Jlu hapoh u pud u sam ka Umlyngka kin hap ha ka jingpynshitom jong ka ain. Ia kane la madam ka District Magistrate, ka East Khasi Hills District kaba la pynjari da ka kyndon 163 ka BNSS.
Ka bor district ka la ong ba la ioh jingtip ba ki don ki briew kiba pyndonkam da ki dawai bih, ki dawai pynbthei bad pynap jar ia ki dohkha ha kane ka wah, kaba la wanrah ka jingiap pathar ki dohum dohwah bad pynsniew ia ka mariang.
Kumta, kino kino kiba pynkhein ia kane ka hukum, kin sa shah pynshitom katkum ka kyndon 223 ka BNS.
Kiba pyniap dohkha kin ngat ha ka ain ha wah Sdad hapoh u pud u sam ka Umlyngka
