Shillong: U Symbud Myntri Rangbah ka jylla uba peit ia ka tnad PWD u Bah Prestone Tynsong u la ong ba u la shong bishar ruh ïa ka jingpyntrei ïa ki surok ha ka thaiñ baroh kawei, bad ong ba ka jingpyntrei ka la ïaid beit kynthup ka jingpyntrei ïa ka PMGSY.
“Nga la hiar shathie sha rilum Garo naduh sngi u Blei bad la don ka jingialang ha ka sngi Nyngkong la lum ia ka jingialang halor ki kam surok bad baroh ki projek kiba la mang pisa kila iaid beit bad kiba sah sa tang katto katne por. Wat ki surok PMGSY I,III kiba tlot ban iaid ki kam hynrei mynta kila iaid beit kumba 94 percent bad mynta ka PMGSY IV, ka sorkar India ka la pdiang ia kumba 700 tylli tam ka jingtyrwa ban shna surok ha Garo Hills”, la ong u bah Prestone.
U bah Prestone ula pyntip ba ula lum ia ka jingialang bad baroh ki ophisar ka PWDS ha Garo Hills ban bishar ia ka jingiaid ki kam khamtam ki surok kiba shna na ka pla ka sorkar jylla ruh bad na kiwei ki skhim kiba ioh na ka sorkar India.
Kumba 700 tylli ki shnong yn ioh surok PMGSY ha rilum Garo
