Shillong: Ka jingiaseng bah Assembly ka Khasi Jaintia Presbyterian kaba 12 ha Mairang kan kut lashai ka sngi u Blei, ka 13 tarik Iaiong 2025. Kane ka jingiasengbah ka la sdang ha ka 10 tarik. Ia ka jingiaseng yn pyllong ha madan Tiehpdang, Pyndengumiong, Eastern West Khasi Hills.
La khmih lynti ba da ki lak ki riew ngeit ka Balang Presbyterian kin wan tuid sha kane ka jingiaseng bah.
Ha kane ka jingiaseng Assembly, kumba 16 spah ngut ki nongmihkhmat ne delegate ki wan na kylleng ki jaka. Ha ka sngi u Trai, ka 13 tarik lashai, ka Choir yn ioh na ka Balang Pyndengumiong, Balang Mookaiaw, ka standing choir na Laitumkhrah Presbytery, standing choir Synod Sepngi, Balang Pyngdengumiong, Standing choir Mawlai Presbytery, Standing choir Synod pdeng, Standing Choir synod mihngi, Standing choir Balang New Nongstoin, Standing Choir Mairang Presbytery.
Ki nongkren ha ka sngi u trai ki long ha ka por 10:30 mynstep ki long u Pastor LD Nongsiej, ha ka por 1:30pm janmiet yn kren u Pastor HK Nongbsap bad ha ka por 7baje janmiet yn kren u Pastor GS Lyttan.