Shillong: Ki artylli ki autonomous district council ba kynthup ïa ka KHADC bad JHADC haduh mynta kim pat shym la phah satia sha ka Sorkar ïa ka kyrteng tyrwa MDC shu sieh (Nominated).
Haba pyntip ïa kane, u Symbud Myntri Rangbah ba khmih ïa ka tnat District Council Affairs (DCA), Bah Prestone Tynsong u la ong ba haduh mynta ka Sorkar kam pat ïoh satia ïa kano-kano ka jingtyrwa na baroh ar tylli ki district council, bad hadien ba la ïoh ïa ka jingtyrwa ka Sorkar kan sa shim ïa ka rai.
Haba kylli, u Symbud Myntri Rangbah u la ong ba katkum ka AD Rules ka jingtyrwa ka dei beit na ki executive committee ïa kaba yn ai jingmynjur pat da ka Sorkar Jylla.
Ym pat tyrwa ka EC ka KHADC bad JHADC ïa ka kyrteng MDC shu sieh: Prestone
