Shillong: Ka seng ki nonghikai ka skulbah hapoh ka lama ka NEHUTA bad NEHUSA kila pynpaw ia ka jingsngew hun hadien ba ka Prof. Sherwin M Sungoh ka la resign noh kum ka Pro Vice Chancellor ka NEHU bad shimti pat kum ka Acting Vice Chancellor.
Haba kren mynta ka sngi, u President ka NEHUTA u Prof. Lakhon Kma ula ong ba la iohi ba ka Prof. Sungoh ka la kyntait ia ka kam Pro Vice Chancellor bad mynta ka la shimti kum ka Acting Vice Chancellor namar ba ka kam Pro Vice Chancellor bad ka kam Acting Vice Chancellor ka iapher. U Prof. Lakhon ula ong ba ka kyrdan Pro VC kam don bor eiei namar ba hap ban sngap ia u Vice Chancellor hynrei haba long Acting Vice Chancellor ka don ka bor kum u Vice Chancellor bad lah ban treikam khlem shah pynbor nangno nangno katkum ka bor.
Hynrei ha kajuh ka por, ula ong ba ka donkam ban iatreilang bad na ka liang ka NEHUTA kan ai ka jingkyrshan kaba pura na ka bynta ka Acting Vice Chancellor. Shisien ba ka la bat kum ka Acting Vice Chancellor ym donkam shuh ia u Prof. Prabha Shankar Shukla.
Hun jrut ka NUHUTA ba shimti Acting VC ka Prof. Sungoh
