Shillong: Ka sorkar jylla ka la rai ban plie ia ka Nan Polok haduh 10 baje mynmiet khnang ban khring ia ki nongwankai bad ban plie lad ia ki briew ban pynbyrngia ha kane ka jaka iaid kai kaba pawnam ka nongbah.
Khnang ban khring shuh shuh ia ki nongwankai bad ia ki paidbah, ka sorkar ka la mang ban pyllut T.18 klur ban shna pynitynnad ia kane ka Nan Polok bad kine ki kynthup ia ka jaka rung, ka jingbuh ia ki ding, ka jingshna ia ka rynsan tem sur, ki jaka bam bad kiwei.
Ia kane la pyntip u myntri ka tnad jngohkai ka jylla u bah Paul Lyngdoh, uba la ong ba ka sorkar ka la rai ban aiti ha ka tnad jngohkai ban peit ia ka Nan Polok, kaba ju peit ka tnad khlaw ka jylla.
T.18 klur yn pynbha briew shuh shuh ia ka Nan Polok ban pynbyrngia haduh 10 PM
