Shillong: Ban tehlakam ia ka jingjia khah khah ka jingaksiden kali ha surokbah, ki pulit ka Ri-Bhoi District ha ka miet 9 tarik Iaiong, 2025, kila pyllong ia ka jingtalasi kaba kyndit ia ki kali kiba iaid naduh kiba kit palat pud bad khamtam kiba dih kyiad por niah kali.
Ha kane ka jingtalasi, ki pulit kila pyndonkam da u nongthew kyaid ne Breathalyzer da kaba phah kbum ha shyntur bad put ia ki nongniah kali, khnang ban tip la ki nongniah kali ki la buaid kyaid ne em ha ka por ba ki niah kali.
Ha kane ka jingleh, ki pulit kila lap ba bun ki nongniah kali kila buaid kyaid palat ia ka jingthew bad kila dain kuna naphang bad leh katkum ka ain.
Ki Pulit ki la bat naphang ia ki kali Mahindra Pick-up kiba kit palat pud kaba la long beain bad kaba lah ban pynmynsaw ia kiwei pat.
Ha kane ka jingtalasi kyndit ki pulit, kila ioh dain kuna 299,000 tyngka tang shi miet.
Ha kajuh ka por, ki Pulit, ki la ju bthah ia ki nongniah kali ba ki dei ban bud ryntih ia ki kyndon ain ha ka por ba ki niah kali bad ruh ban kiar na kaba dih kyaid ha ka por ba dang niah kali hynrei kim banse ban shim ia kane ka sienjam hadien ba ki nongniah kali kim sngap.
Ka jingtalasi kan nang iai bteng nangne shakhmat bad lada lap ia kiba pynkhein ain, kin pynngat syndon ha ka ain nalor ka jingdain kuna.
Da u Breathalyzer, lap ki pulit Ri Bhoi ba dih kyiad ki draibar por niah kali, ioh dain kuna T.3 lak duna shimet
