Shillong: Ha ka 8 tarik Ïaïong 2025, ka seng Hynniewtrep National Youth Front South East Sohra Circle ka la leit ban buh da ka dorkhas ha u CEM ka KHADC u Bah Shemborlang Rynjah na ka bynta ban pynsngew ha u halor ki katto katne ki shnong bad ki hima kiba don khappud bad ka Bangladesh
Ka jingleit ïakynduh ka seng ka long ban pynsngew halor ka jingïoh rung kyrthep ki bar jylla hapoh shnong Majai khlem da don ka jingtip na ki bor shnong ne bor Hima, ka jingai pathar ïa ki jaka puta, ha kaba ka seng ka la kyntu ïa ka District Council ba kan pynkylla kyrteng noh ïa ki katto katne ki shnong kiba don hapoh ka Hima Sohra kiba hap hapoh ka thaiñ Majai na ka ktien nongwei sha ka ktien khasi kiba kynthup ïa ka Kurikhal, Nayabasti, Chaklabasti, Dhorombasti bad Alubari
U Bah Banjop Khongwir uba dei u Spokesperson jong ka seng, haba kren sha ki lad pathai khubor u la ong ba na ka seng ka la pynsngew ruh halor ka jingmih ka iew beaiñ ba la pynlong da ki bar jylla bad kyrpad na ka district council ba kan khang noh mardor ïa kane ka iew. U la ong ruh ba ka ka land TransferAact kam shym la treikam bha ha katei ka thaiñ namar ka jingnang ïoh bor ki bar jylla ban thied jaka khamtam eh ba ka la don ka jingïathied jaka sop sop khlem ka jingïoh jingbit na u sordar ne ka shnong.
Mih ki kyrteng Shnong bar jylla, ki ïew beaiñ bad thied jaka sop sop ha thaiñ Majai | Ha u CEM pynsngew ka HNYF
