Shillong:U myntri rangbah ka jylla mynta ka sngi u Conrad K Sangma mynta ka sngi ula pynkup burom ia ka kynhun ialehkai phutbol ka skul Myngken Christian Higher Secondary School kaba la jop ia ka kyrdan balai na ka lympung ialehkai 2nd Indo-French Football Tournament kaba long ha nongbah Paris, France dang shen.
U myntri rangbah ula ong ba ka kynhun ka la pyni ia ka sap kaba kyrpang bad ka jingkut jingmut ha kane ka lympung da kaba mihkhmat na India.
U la ong ba ka jingiarap ka sorkar T.50 Lak ha ka jingleit jingwan jongki sha Paris kam dei tang ka jingpyllut hynrei ka dei ka sienjam ban pynphrang bad ban pynkhreh na ka bynta ki lad ki kabu kiban sa wan ha ka rynsan ka ri bad ha ka pyrthei.
U Myntri rangbah ula ong ba ka kynhun Olympique Lyonnais Academy, ka dei kawei kaba pawnam bha ha ka Europe ha ka phutbol, ka la khot sngewbha ia ka Meghalaya State Football Team U-18 ban ai jinghikai 20 sngi ha ka shlem jongki ha France ha u Jylliew 2025.
Hadien ka skul Mynken, shah khot sa ka U-18 na Meghalaya sha France
