Shillong: Ka St. Margaret’s Higher Secondary School, Shillong ka la wan ba nyngkong ha ka eksamin matrik kaba la pyllait mynta ka sngi.
Haba kren halor kane ka jingjop ka skul, ka Principal ka skul ka Sister Maria A Thapa ka la ong ba ka jingpass bha ki khynnah sha nongkyndong ka dei ka jingiarap ka CM Impact Guidebook. Ka la ong ba kane ka kot kaba la pyllait ka sorkar ka la iarap shibun ia ki khynnah ba kin pass bha bad ban kiew ka percentage jong ka jingpass ha kane ka eksamin matrik.
Ha kajuh ka por, ka la pynpaw ia ka jingsngew kmen bad sngew kyndeh ka mynsiem na ka bynta ka jingpoi ki khynnah ka skul shakhmat duh. Nalor ka St. Marget, ki skul ba hap ha ka jingpeit jongki, kynthup ka Little Flowers Malki kaba la poi 2 ngut ha ka top 20 bad ka Stephen Memorial Mawroh ka don uwei ba poi ha ka top 20 rank.
Ka la pynpaw ia ka jingkmen ba ka skul ka la ioh haduh 7 ngut kiba poi sha ka top 20 rank mynta u snem. Ka la iathuh ba ka skul ka ju shim extra class ia ki khynnah bad kane ka dei kawei kaba la pynmih ia u sohthiang.
Mynta ka kynti kiba pass ha ka eksamin matrik kila kiew sha ka 87.10 percent kaba heh tam ha ka jingdon kiba pass haba ianujor bad kiwei ki snem. Na ki 63,682 kiba ialeh, ki pass 55,473 ngut.
Iarap bha ka kot CM Impact ia ki khynnah ban pass bha ha matrik 87.10 percent
