Shillong: Ka tamasa ialehkai kaba 14 jong ka skul Eriben Presbyterian Secondary School, ka la shongshit da ka jingiashim bynta shit rhem ki khynnah kane ka skul. Ka tamasa ialehkai ka la nang shongkun da ka jingwan iadon ryngkat u MLA ka thain u bah Charles Pyngrope ha ka sngi kut kaba la long ha ka 3 tarik mynta u bnai ha madan Divine Savior Parish Football Ground, Nongshilliang, Nongthymmai, Shillong.
Nalor u MLA la don lang u TBn.W.Kharrngi, uba dei u Secretary Managing Committee bad kumjuh ka Principal kong E.K.Diengdoh, ki nonghikai bad ki khynnah skul.
Ha kane ka tamasa ialehkai, la pynialehkai bun jait ki jingialehkai naduh ka jingiakop mareh, drill, march past, bad kiwei kiwei kiba la iashim bynta ki khynnah kane ka skul. La sam khusnam ruh sha kiba jop ha ki jingiakop bapher bapher da u MLA bad tymmen basan bad kiwei.
Shongshit ka tamasa ialehkai ka skul Eriben Presbyterian ba wan ai mynsiem u MLA
