Shillong: Ka Khasi Students’ Union mynta ka sngi ka la ioh ban kynduh ia ka Committee ba la thaw da ka Sorkar jylla ban pynthymmai/pynbha ia ka MPSC. Ia kane ka Committee la lamkhmat da u Bah F. R Kharkongor, IAS kum u Chairman ha jingdon ryngkat u Cyril V.D. Diengdoh IAS bad Prof. David Syiemlieh kum ki members bad kiwei kiwei.
Ia kane ka Committee la thaw hadien ba ka Seng ka la buh ia 20 tylli ki mat jingdawa ha khmat ka Sorkar ban pynthymmai ia ka rukom treikam ha MPSC.
Kane ka Committee ka ladep buh ruh ia ka jingkyrpad sha ki paidbah ban ai jingmut (suggestions) halor ka jingpynthymmai ia ka MPSC kaba la kut ha u bnai Rymphang.
Ha kane ka sngi ka Seng nalor ki 20 tylli ki mat jingdawa ba kala dep buh, ka la pynsngew ruh halor ka jingmih ki recruitment boards ha kine ki sngi ki bym shim don kino kino ki kyndon ain halor ka thungkam thungjam bad ki rai ba ka mih na kane ka Committee (recommendations) dei ban phah ruh sha kine ki recruitment boards bad ka DSC ba ka thungkam thungjam kan long kaba khuid.
Ka Seng ka la ai jingmut ruh ban pynduna ia ka pisa eksamin bad ban buh kyndon ruh ban ailad ia ki briew kiba duna ha ki dkhot met ba kin lah ban apply bad ban ialeh ia ki eksam thungkam katkum ka ain.
Hadien ba ujor ka KSU, thaw Committee ka sorkar ban pynbha ia ka MPSC
