Shillong: Namar ka jingsuki jong ka tnat PHE ban pyndep ia ka project House Connection, ka ban pynpoi ia um sha ki thliew iing jong ki nong Shnong ka Shnong Mawlai, kaba dei ka mat kaba lah slem bha kaba ki nongshong Shnong ka Mawlai ki la ud na ka por sha ka por….halor kane na ka liang ki nongialam jong ka seng samla Mawlai Pyllun (SSMP) mynta ka 3 tarik u Ïaiong ki leit ban ia kynduh ia u Chief Engeneer jong ka tnat PHE u Bah RS Nongbri halor katei ka mat….
Hadien ka jingia kynduh ia u CE jong ka tnat PHE na ka liang u president jong ka seng u bah Samuel Buiam, u la ong kane ka mat ka dei kaba ki nong Mawlai ki ju ud bha, bad ka dei ruh ka jingdonkam ba kongsan man kawei pa kawei ka thliew ïing, u la pyntip ha ka jingkren bad u CE, ka seng kala pynsngew ba dei ban pynkloi ban ialeh kat ba lah pyndep ia katei kam, namar haba ka um ka duna ka wanrah ka jingeh ia ki nongshnong, namar kum ba long mynta ki nongshong kim don por, than ban ap um sorkar kari, nalor ba ki hap ban beh ia ki kam ki jam, bad ruh haba ka um ka poi ha iing ki nongshong shnong ki lah lait ruh ban ka thied um.
Shuh shuh u la ong ruh nalor kata u la ong ba ki don ki longiing kiba lah ioh ia um ha ki longing hynrei ki ioh um tang ar sien shitaiew..
U la pyntip ruh ba ka jingia kren bad u CE ka long kaba sngewtynand haba u la kukar ban shim khia ia kane ka mat, rynkat kiwei pat ki officers jong tnat, bad u la pyntip namar ka mat ka dei ka khia ym lah ban shu leh hak dak.
Ba kyrduh um ha Mawlai, ujor ka SSMP sha ka tnat PHE
