Shillong: Ha ka sngi Nyngkong u Lber, ki shipai BSF kila ioh ban kem ia san ngut ki briew kiba na ri Bangladesh najan ka shnong Pyrdiwah, East Khasi Hills katba ki dang pyrshang ban rung tuh sha India. Nalor kine, la ioh kem ruh ia ar ngut kiba na India kiba ialam ia kine ki briew na Bangladesh ban rung tuh sha India ha ka kali taxi.
Ha ka kyrwoh ki BSF kila ong ba la ioh kem ia kine ki briew hadien ba ki shipai BSF kila phikir bha ban pahara ia ka khappud hadien ba la ioh jingtip ba ka la don ka jingthmu jong ki briew ban wan rung tuh sha India. Ia kine baroh kiba la shah kem la aiti sha ki pulit ka Pynursla Police Station ban leh katkum ka ain.
Kem ki BSF ia ki khar Bangladesh bad kiba na India na thain Pyrdiwah
