Shillong: Ki Nongseng skul shimet ne ki skul ba seng ki Khynhun treimon sngewbha hapoh ka lama ka Meghalaya School Welfare Association (MSWA) kala pan jingiathuh na ka tnad pule puthi ka sorkar jylla ban dawa ithuh noh ïa ki skull ki bym dei ki Skull Sorkar ne Non-Government.
Ka Meghalaya School Welfare Association ha ka sngi Saitjaiñ kala pynlong ka jingiakynduh lang hapdeng ki para Nongseng skul bad ki Nonghikai kiba hikai ha ki skul shimet kiba la wan na kylleng ki district bapher bapher kaba la pynlong ha National Dorbar Hall Mawkhar shillong.
Haba kren sha ki lat pathai Khubor mynta ka sngi u President ka MSWA u Bah H.M. Marbañiang ula ong ka jingiakren ka long ba kumno yn pyntikna bad pyniaryntih ïa ki skul baroh kiba la seng da ki riew shimet ne ki Khynhun naduh ki Pre Primary haduh Secondery bad Higher secondary.
Haba iadei bad ka jingsiew tulop ia ki Nonghikai ha ki skull shimet u Bah Marbañiang ula ai jingmut ïa ka sorkar ba ka dei ban siew ka tulop kaba ryngkat ïa baroh ym ban duna ym ban tam iano iano dei ban long ia ryntih ia baroh.
Ula ong lada ka Sorkar ka lah ban leh kumta ka long ka jingiarap bad iada na ka jingphet ki Nonghikai na ki skul. Ula pynpaw ba ka jingeh ki Nongseng skul ka long namar bun ki Nonghikai haba ki ioh kham tam ka tulop ki phet bad ki leit sha kiba kham im ka tulop bad ki mih noh namar kam don ka jingsiew iaryngkat.
Pan jingiathuh ki Skul shimet na ka sorkar kum ki Non-Government
