Shillong: Ar ngut ki MDC kynthup u MDC ka Sohra u bah TW Chyne bad ka kong Grace Mary Kharpuri kila pynpaw ia ka jingsngew khia ba ha kane ka juk social media, ki briew kila pyndonkam bakla ban pynmih ki kyntien kiba pynpoh dor khlem da burom shuh ia ki nongmihkhmat, ne ia ki riew don burom.
Kila pynpaw ia kane haba shim bynta ha ka jingiatai ia ka mang tyngka ka KHADC mynta ka sngi.
U bah Titos ula ong ba ka long kaba sngewsih ba ka jaitbynriew tip briew tip blei, ka la poi ha kane ka pud haduh ba kam don shuh ka jingiatip lem. Ha ka jingshisha, kam don jingkhang ban kynthoh ne comment hynrei ka dei ban long ka ktien kaba don burom.
Ka kong Grace ka la ong ba kum ka longkmie ka long kaba sngewsih ban iohi ia ki kyntien kiba ijli, kaba la pynhiar dor ia ka ri bad ka jaitbynriew bad kane kan dei ka jinghikai kaba sinew ia ki longdien mandien bad ka la buh jingkylli shaei shuh ka akor ka burom kum ka ri kaba ju bna nam.
Rah u bah TW Chyne bad ka kong Grace ia ki ‘comment’ ba ijli ha Youtube
