Shillong: U Himanta Biswa Sarma uba dei u Myntri Rangbah ka Assam u la ong ba baroh ar ki Jylla, kata ka Assam bad Meghalaya ki kwah eh ban pynbeit noh kham kloi ia ka jingiakajia pud ha ki hynriew tylli ki jaka bym pat pynbeit.
Katkum ka jingong u Himanta 3 tylli na kine ki hynriew tylli ki jaka ba dang sah ki dei kiba suk bha ban pynbeit ia u pud u sam. U la ong ba na ka liang ka Assam ka kwah eh ban pynbeit noh ia ki jingiakajia ha ki hynriew tylli ki jaka ba dang sah, ha kaba u la pynthikna ba baroh ar Jylla kin sa pynbeit noh ia ki khappud ba dang sah da ka jingiasngewthuh jingmut lang.
U la ong ban buh ia ka por haduh lano ba yn lah ban pynbeit kam long kaba suk, namar ba hap ban sngap ia ka jingsngew ki paidbah nongshong shnong na baroh artylli ki Jylla.
Haba kylli halor ki 6 tylli ki jak aba la dep ban soi ia ka Soskular, u Myntri Rangbah ka Assam u la ong ba ka survey of India ka la leh ia ka jingphiah pud bad ki la iaid shaid shaid, bad kaei kaba la iasoi hakhmat u Myntri kam Pohiing ka la tehsong ia baroh ar ki Sorkar.
Ngi kwah ban pynbeit noh ïa 6 tylli ki jaka khappud ba dang sah: Himanta
