Shillong: U myntri ka tnad Social Welfare uba dei ruh u nongaiktien ka sorkar u bah Paul Lyngdoh ula ong ba ka nongrim kaba kongsan ka sorkar ka long ban pynthikna ba ki nongshong shnong ka Meghalaya ki dei ban shngain haba ki leit shabar.
Haba jubab halor ka jingkylli ia ka jingkhlad ar ngut ki khynnah ha Karnataka kiba leit pule dang shen, u bah Paul u la ong ba u secretary ka tnad kam pohiing un aiti ia ka kaiphod sha ka sorkar jylla halor kane ka jingjia.
U la ong ba ki kynhun, ki bor shnong ki dei ban shim ka jingiatreilang ban pyntip sha ka sorkar haba ki briew ki leit shabar khamtam haba ki don kano kano ka jingeh. U la ong ba ka sorkar kam da don bor than ban tuklar ia ka jingphah ki kmie ki kpa ia ki khun hynrei haba don kano kano ka jingleh kaba pyrshah ia ka ain, ka sorkar ka don ka bynta ban tuklar.
Ki nongshong shnong ka jylla ki dei ban shngain haba ki leit shabar
