Shillong: U nongialam ka liangpyrshah ha KHADC u bah Titossterwell Chyne ula ong ba ka MDC hostel ka long kum ka ktem ki kam bym sngew tynnad, kaba la pynhiar dor ia ki MDC.
Haba kren ai khublei halor ka jingshah jied u bah Kynjohlang Rangtong kum u Deputy Chairman ka KHADC, u bah Titosster u la ong ba ha ka MDC Hostel, ka ju don ka jingjia ba sngewsih bad ka la don ka por ba ka long ka ktem jong ki kam ba um sngew kwah ban kren satia. Ki don ki por ba ki don ki briew ki bym poi pyrkhat kiba pyllong ia katei ka hostel ia ki kam bym iahap ban iathuh briew ruh.
Teng teng ki don ki jingpyllong ialeh kam sngewbha, ka jingiatem iaput haduh ba ka la pynwit ia kiwei kiba sah lang ha kane ka hostel. Ula kyntu ia u Deputy Chairman ba un shim khia ia kane.
Ka MDC hostel ka long ka ktem ki jingjia ba sngewsih, ong u bah Titosster
