Shillong: Ki shipai BSF kila ioh ban khang lad ia ka jingthmu ban shalan tuh ia ki masi sha Bangladesh lyngba ka khappud na thain Muktapur, West Jaintia Hills.
Kila ioh kurup 22 tylli ki masi, ki muid bad 5 ngut ki briew kiba dei na India kiba donkti ha kane ka kam ha ka 25 tarik Lber 2025.
Ka jingioh kurup bad ka jingioh kem, ka long hadien ba kila pynlong ia ka jingap siar bha hadien ba la ioh jingtip ia ka jingdon ki briew kiba thmu ban leh ia kane ka kam beain.
Ia ki masi, ki muid bad ki briew ba la kem, la aiti sha ki pulit ka Police Patrol Post (PPP) Muktapur ban tohkit kham bniah bad leh ia kaba donkam katkum ka ain.
Kurup masi ki BSF bad kem artad ia ki briew ba thmu shalan sha Bangladesh na Muktapur
