Shillong: Ka Khasi Jaintia Presbyterian Assembly (KJPA) Music Gospel Concert bad Food Fest, ka ba la ai kyrteng
‘Hosanna 2025’ kan long ha ka 29 tarik u Lber 2025, sngi Saitjain, ha Madan Student, Jaiaw. Ha kane ka sngi, ka
Food Fest kan sdang naduh 11 baje mynstep haduh ban da kut ka Concert ka ban sdang ha ka por 4 baje janmiet. Ka
jingthmu jong kane ka Free Music Concert ka long kum shi bynta ban ai ka jingkyrshan bad pyntyllun ia ki kam
Mission shabar ri jong ka KJP Assembly.
Ha kane ka Gospel Concert, ki don ki nongrwai bad nongtem kiba don ki sap kyrpang ban rwai ia ki jingrwai
ki ba kynsai bad ban pynkhih ia ki mynsiem jong ki nongieit jingrwai. Kine ki nongrwai ki kynthup ia ka Aroha
Choir ba la ialam da I Kong Pauline Warjri, Ka MANE Music Ministry, Ka Sur na Nongkyndong-Lynshing, i
Kong Kyntiewlin Mawphniang bad i Bah Batlador Khongnoh & ki paralok. Bad yn pynsuhsieng ruh ha katei ka
sngi da ki jingrwai jong ki Standing Choir jong ki saw tylli ki Synod, kata, ka Synod Mihngi, Synod Sepngi, Synod
Pdeng bad Ri-Bhoi Synod.
Kaba kham kyrpang ha kane ka kynti, ka long ka jingdon ryngkat jong u nongialap bad nongrwai niam u ba la
paw bha, U Benny Prasad bad i kurim jong u, i Zan Benny na Bengaluru. U Benny Prasad u dei tang ma u ba lah ban poi
lut sha baroh ki ri ka pyrthei ban leit ialap ia ka khubor babha lyngba ka sap tem sap put bad ka jingphla shem mynsiem
ia ka jingieit U Blei. U La ioh ia ka world Record kum u briew u ba stet tam ban ioh iuh kjat haduh 245 tylli ki ri ka
pyrthei tang hapoh 6 snem 6 bnai bad 22 sngi. Kan long ka kabu ia kiba lah ban wan sha katei ka Concert ba kin ioh ban
sakhi ia ka guitar kaba lah shna kyrpang da u Benny Prasad hi kaba don ryngkat bad ka ksing bad ba la ai kyrteng ia ka
ka Bentar.
Ngi sngewkmen ban iathuh ba ha katei ka concert kin don ryngkat ki Pastor, ki Tymmen Basan bad ki dkhot
jong ka Balang bad la pynbeit u kongsan ha katei ka sngi un long u myntri sorkar u ba bat ia ka tnat Social Welfare I
Bah Paul Lyngdoh bad u symbud kongsan yn long I Bah Renikton L. Tongkhar MLA ryngkat ki Special Guest bad ki
invitees kin don ruh ki nongkitkam jong ki Synod kiban iadonlang ha katei ka sngi. La khmih lynti ba ki da ki hajar
ngut kin wan sha kane ka Music Concert-cum-food fest ha madan student.
Ka jingpynkhreh na ka bynta kane ka sngi ka lah nang iaid shakhmat, ha ryngkat ka jingiatrei lang ki
volounteer bad ki bor pulit ban pyniaid beit iaid ryntih ia ki Kali bad ki jaka pynieng kali. La sngewthuh ruh ba ka
jingpynkhreh na ki Jingiaseng Kynthei jong ki lai tylli ki Synod bad ruh ka KJPA English Service, Khyndai Lad, ki la
long kiba biang ban wanrah ia ki jingbam kiba kynsai bad kiba kham niar bad ki bym kham ioh koit.
Ka KJP Assembly bad na ka liang ka jong nga kum U Convener jong ka fundraising committee Foreign
Mission Board ngi pdiang sngewbha iaphi baroh bad ngi iawer ia baroh ki riew ieit jingrwai khamtam ia ki
parabangeit kiba don hapoh ka KJP Assembly ban iawan sha kane ka Hosanna 2025 Music Concert cum Food Fest
khnang ban pynurlong ia ka jingthmu kaba kongsan ka Mission & Evangelism ban pyniar ia u pud ka jingialap shabar
ri ba ia ka Gospel yn ialap sha kylleng ka jaka jong ka pyrthei. Kane ka long ka kyrwoh na u Rev. S. Diengngan, Convener, Fund Raising Committee Foreign Mission Board KJPA.
Ka Jingpynlong ia ka Hosanna 2025 Music Gospel Concert
