Shillong: Ka KSU Jowai Unit myn ha ka 21 tarik Lber 2025 hapoh ka jinglamkhmat u President bah Ewanmi Phawa, u Nidapoi Shadap u General secretary bad ki dkhot ka jowai unit kala kynduh ia u bah B. Warjri ka General Manager ka District Commerce & Industries Centre, West Jaintia Hills District.
Ha kane ka Sngi ka seng ka pynsngew ia ka jingsngew lung mynsiem namar ba hapoh kane ka Centre, ka Carpentry ka lah duh noh mynta la bun bun snem namar ki jing bym don shuh ki Nonghikai Carpentry, Mechanist bad kiwei kiwei de.
Na ka liang jong u General Manager u la ong ba u la dep ban pyntip sha ki bor ba dei khmih iaki kam ban thung ia ki nonghikai khnang ban lah biang ban ai jinghikai ia ka Carpentry tangba ka sorkar kam pat leh haduh mynta.
Kum ban shuh pynkynmaw ba haka 19 tarik Jymmang 2022 ka KSU ka la leit jurip ia kane ka Office bad la lap ba ki jait Training kum ka Carpentry kam treikam shuh namar ka jing bym don Nonghikai.
Kumta ha kane ka kynti ka KSU ka la lap lyngba ka RTI ba don haduh 19 tylli ki post ba lait thylli ha kane ka office bad ka dei ruh kane ka daw bah ba dkoh ka office ban ai jingshakri ia ki paitbah
Ia kane ka kam ka Seng kan ym shongthait kan sa pyntip sha ki bor ba dei khmih ia ki kam Recruitment hapoh ka DSC khnang ba yn sa lah ban pyntyllun biang iaki Jait Training balah duh noh hapoh kane ka Centre khnang ba ki samla seng kam lajong kin ioh jingmyntoi
Kane ka long ka kyrwoh na u bah Dao Langstang, Publicity secretary ka KSU Jowai Unit.
Kynduh ka KSU Jowai ia u GM ba jah ka carpentry
