Shillong: Ka tnad Placement cell ka St Anthony’s College ryngkat ka tnad Hospitality ka la pyllong ia ka iew jied rung kam hapoh ka phyllaw kane ka college ha ka sngi Baar.
Ka jingmut ka long ban wanrah ia ka rynsan hapdeng ki nongaikam bad ki nongbtin lynti ban jied ia ki jait kam ia ki samla pule kylleng ka pyrthei.
Nalor ki samla kiba la pule Third year jong ka college, ki samla na ka MIT University, Shillong College bad kiwei ki college ba Marjan kila wan ban iashim bynta ha kane ka iew jied rung kam ne job fair.
Ki don hynriew tylli kompeni kiba iashim bynta ha kane ka job fair kynthup ka Accentuate Academy, Jettwings Institute, The Matana, Bids, [24]7.ai bad ka Global Admissions.
U Vice principal ka college, u Fr. Joby Joseph ula ong ba ka jingpyllong ia kane ka Job Fair ka long ban btin lynti ia ki samla shaei bad kumno kin jied hadien ba ki la dep pule namar ba bun kim tip lynti ban iaid.
U la ong ba man ka snem ki kompeni kiba heh ki ju wan ban jngoh ia ka St Anthony’s College namar ba ka dei kawei na ki college kaba donkam ha ka nongbah.
Ka iew jied rung kam ka tnad Hospitality ka St. Anthony College
