Shillong: Ka myntri ka tnad ka rep ka riang ka jylla ka Kong Ampareen Lyngdoh ka la plie ia ka iew pyni sap jong ki samla ka Eastern West Khasi Hills mynta ka sngi 17 tarik Lber 2025 ha shnong Kynshi.
Haba kren ha kane ka prokram kaban neh ar sngi, ka kong Ampareen ka la ong ba haba ki trai shnong kim treh ban trei ia ki jait, ki wan knieh ei ki nongwei hynrei haba ki trai shnong ki tbit ban trei ia ki kam, u nongwei um ym ioh lad satia.
Ka la ong ba lada ki samla ki la tbit bad kloi ban trei ia kano kano ka kam, kata hi kan beh ia ki nongwei ban wan knieh ia ka kam ka jam.
Ka la ai mynsiem ia ki samla kiba la mih shakhmat ban pyntbit ialade ha ki jait kam bapher bapher khnang ban lah ban kyrshan ialade bad ban kyntiew ia ka ioh ka kot jongki. Ka la kyntu ia ki samla bad ki paidbah ba kin kyrsiew noh ialade ban mih shakhmat ban trei bad pyntbit ia ki kam, ym ban shu peit ia ka sorkar.
Ha kane ka sngi, la don lang ruh u Myntri uba dei ruh u MLA ka thain u bah Shakliar Warjri bad kiwei.
Lada kloi ban trei ia ki kam, ki nongwei kim ym ioh lad, ong ka kong Ampareen
