Shillong: Ka KSU Mawshbuit unit ryngkat ka KSU Nongthymmai circle ka ai ia ka jingkyrshan ba pura ia ka Dorbar Shnong Mawshbuit ba la lamkhmat da u Rangbah shnong ban pyrshah ia ka jingkren jong u Symbud Myntri Rangbah ka jylla u bah Prestone Tynsing u ba ong ba 600 meter ka surok na Them Basuk sha Mawshbuit ka hap ha ka jaka ki shipai GTC.
Ka seng ka ai ia ka kti kamon kadiang bad ka Dorbar shnong bad kan iai don ha syndah ban ia pynbeit iakane ka kam kaba la pyndik ia ki paid nongshong shnong jong ka shnong Mawshbuit bad ki para Ri kiba ju leit iaid sha katei ka shnong.
Ka seng ka ap ia ka rai jongka Dorbar shnong ban iaid shakhmat halor kane ka phang. Katba rai ka shnong ka KSU ka la long kaba la khreh la ka long ha miej iakren ne ha madan ban iakhun.
Kyrshan ka KSU Nongthymmai ia ka Dorbar Shnong Mawshbuit pyrshah ia ka jingkren u bah Prestone
