Shillong: U MLA ka Mawhati u bah Charles Marngar ula pynpaw ia ka jingsngewnguh sha u myntri rangbah ka jylla u Conrad K Sangma, uba la pyrshang khlem shongthait ban leit jngoh hi sha kylleng ki jaka ka jylla ban iohi ban sngap ia ki jingeh ki paidbah.
Haba shim bynta ha ka jingiathir halor ka mang tyngka hapoh ka iing dorbar mynta ka sngi, u bah Charles u la ong ba um pat ju iohi ba u myntri rangbah un leit kynduh ia ki paidbah sha jaka nongkyndong ruh.
U la ong ba ka jingshu pule ia ki jingthoh memorandum kam lah ban pynbeit ia ka jingeh hynrei ka jingkynduh bad ki markhmat kan ai shibun ki jingmyntoi.
Ha kajuh ka por, kum u MLA ka thain kaba pynmih synsar, u pynpaw ia ka jingsngewnguh ia ka sorkar kaba la thaw lad ban iarap ia ki nongrep.
Ha kajuh ka por, u la kyrpad ia ka sorkar ban mang pisa kham pahuh ban iarap ia ki jingshad tynrai ka ri Bhoi ba kynthup ia ka Shad Shohkba, Shad Malangho, Shad Kynjuh Kynthei, Shad Puh Lyngkha, Shad Lukhmi, Shad Krud Kba, Shad Lakhongpong, bad kiwei.
Ula kyntu ruh ban buddien tyngeh ban ioh noh ia ka jingithuh na ka sorkar India ia ka ktien Khasi, ka Inner Line Permit.
‘Ngam iohi ia u myntri rangbah kum u Conrad ban leit kynduh hi ia ki paidbah’, iaroh u bah Charles Marngar
