Shillong: U MLA ka Jirang u bah Sosthenus Sohtun ula kyrmen ba lyngba ka jingshim ka sorkar khamtam u Myntri Rangbah u Conrad K Sangma, ka jingjaboh ka thain Byrnihat kan sa wanphai biang kumba long mynshwa ban ioh ring lyer kaba khuid.
Haba kren sha ki nongthoh khubor mynta ka sngi, u bah Sosthenus u la ong ba ka sorkar jylla, ka MSPCB, kumjuh na Assam kin iatreilang ban pynkhuid ia ka jingjaboh ka lyer ha ka thain Byrnihat. U la ong ruh ba lyngba ka jingshim khia u Myntri Rangbah kan don ka jingpynsngewthuh ia ki paidbah, da ka MSPCB halor kane ka bynta.
U MLA ka Jirang ula ong ba ka MSPCB ka dei ban don ka ophis ha Byrnihat khnang ba kan pynsuk ia ka ban peitngor ia ka jinglong jingman.
Kyrmen u MLA ka Jirang ban ioh ring lyer khuid biang ki paidbah ha Byrnihat
