Shillong: U symbud myntri rangbah ka jylla u bah Sniawbhalang Dhar ula ong ba ka Baljek Airport kam shym la lah ban treikam namar ba ki kompeni kamai liengsuin kim treh ban wan kamai da ki liengsuin rit.
Ia kane u la jubab halor ka jingkylli kaba la wanrah u MLA u Rupa Marak na Dadengre hapoh ka iing dorbar mynta ka sngi.
U bah Sniawbhalang u la ong ba ka Baljek Airport ka la sah kumto la 17 snem mynta naduh ba la plie ha u 2008.
Haduh myntan ka sorkar ka la shim jaka 211 acre tam bad ka donkam sa 68 acre tam ban pynlah ban wan dem ki liengsuin ba kham heh khnang ba ki kompeni kin wan ban kamai. U la ong ba hadien ba la ioh sa 68 acre yn sa lah ban pyniaid ia ka kam bad yn sa sdang ia ka kam.
Sah khongreng ka Baljek Airport la 17 snem bym treh wan kamai ki kompeni da liengsuin rit
