Shillong: U Myntri Rangbah ka jylla u Conrad K Sangma ula ong ba ka jingkhmih lynti ba ka jylla kan ioh khajna bun nalade ka dei na ka kyiad, petrol bad ka GST.
Haba kren hadien ba la dep wanrah ia ka mang tyngka 2025-26 jong ka jylla mynta ka sngi, u Conrad u la ong ba kine ki dei ki thymmei ba ka jylla kan ioh lum kham bun tam ka khajna nalade nalor kiwei ki kam kiba kham rit.
Ha kajuh ka por, u la ong ba kane ka mang tyngka ka dei ka mang tyngka u paidbah namar ba ka sorkar kan pyllut bun ban kyntiew ia ki nongrep, kan ai baibam ia ki samla pule bad kan pyllut bun ban kyntiew na ka bynta ban thaw kam thaw jam ban ai kam ai jam ia ki samla bad ban kyntiew ia ka ioh ka kot, ka leit ka wan bad pule ka puthi bad kiwei kiwei.
Ka khajna kaba bun ban pynmih ka jylla ka dei na ka kyiad, petrol bad GST
