Shillong: U Myntri Rangbah ka jylla u Conrad K Sangma ula ong ba ka jingkren ban pan tih uranium ka sorkar India lada ym lah siew ia ka ram, ka dei ka jingkren mutdur bad pynkulmar ia ki paidbah.
Haba kren mynta ka sngi, u Conrad u la ong ba kum kane ka rukom kren rukom mutdur kam dei ka lynti namar ba ka sorkar jylla ka shim ram katkum ka kyndon jong ka ain bad lada ka kwah ban shim ram ruh kam lah ban leh kumta lada kam dei katkum ki kyndon.
U Conrad u la ong ba ka ram kaba shim ka sorkar jylla, kumba 90 percent ki dei ba siew ka sorkar pdeng bad ula pynpaw ia ka jingsngew thamula ba u President ka VPP u bah Ardent M Basaiawmoit u la ring dur ia ka Ukraine bad ka America ka bym iadei dur haei haei ruh.
Ban pan tih uranium lada ym lah siew ram, ka dei ka jingkren mutdur pynkulmar ia ki briew
