Shillong: Mynta ka sngi u CEM ka KHADC u bah Shemborlang Rynjah ula sam ia ki tnad treikam ka KHADC sha ki Executive Member.
Kat kum ka jingsam bha, u MDC ka Mawthadraishan Bah Powell Sohkhlei ula ioh khmih iaka IT, Land & Development, u MDC ka Nongthymmai Bah Winston Tony Lyngdoh ula ioh khmih ia ka Labour, Trade, Enforcement bad Revenue, ka MDC ka Laitumkhrah-Malki Kong Deiti Majaw-Law & Legal Matters, Marriage & Divorce, Town Committee, ka MDC ka Mylliem kong Aibandaplin L Nonglait-Health & Sanitation, Education, MDC ka Mawkyrwat Bah Pynkhraw Kharjahrin-Council Building bad Council Assets, Building Byelaws, MDC ka Umroi Bah Isnei Hinge-Water Resources, Fisheries bad u MDC ka Mawkynrew Bah Seiborlang Warbah-Finance.
Lah ban kdew ba ki paidbah kila khmih lynti ba kane ka EC kaba ialam ka VPP marwei ha KHADC kan pyni ia ki kam ba radbah na ka bynta ki trai muluk khamtam ka jingpyrkhing trading license, ka jingiada ia ki trai shnong ha ka kamai kajih, ka khyndew ka shyiap, ki khlaw ki btap bad kiwei kiwei ki mat.
Khmih lynti ki paidbah ban pyni kam tyngeh ka EC, sam tnad treikam u CEM ia ki EM ha KHADC
