Shillong: U Myntri Rangbah ka jylla u Conrad K Sangma ula ong ba lada kam kylla da kumwei pat, ha u snem 2026, ka liengsuin heh kan sa wan dem bad hiar na Umroi.
Haba jubab halor ka jingiathir halor ka jingkren u Lat ha dorbar mynta ka sngi, u Conrad u la ong ba katkum ka kaiphod ki liengsuin heh A320 ki lah ban wan dem bad her na Umroi lada pynmadan ia ki katto katne ki bynta.
U la ong ba ki kompeni kum ka Indigo, Airline bad kiwei kila mynjur ban wan kamai liengsuin na Umroi ynda la dep ia ka jaka mareh ki liengsuin. Ynda la treikam kane ka kad liengsuin heh, kan ai kam ai jam ia ki samla bad kan kyntiew ia ka ioh ka kot ha ka jylla, ha kaba ki liengsuin nabar ri kin wan beit sak ha Umroi khlem da hiar ha Guwahati ban wan sha Meghalaya.
Ym tang katta, ka jylla kan lah ban pdiang ia ki kam ba heh kum ka jingialehkai nabar ri, bad kiwei kiwei khamtam ka kam jngohkai kan kiew sted bha.
Ha u Kyllalyngkot 2026 yn dem bad her ka liengsuin heh ha Umroi
