Shillong: U nongialam ka liangpyrshah u Dr. Mukul Sangma u la ong ba ka leit ka wan ka dei ka met bah jong ka ioh ka kot jong ka jylla bad ki paidbah.
Haba kren mynta ka sngi, u Dr. Mukul u la ong ba shwa ka jinglaitluid ka ri, ka leit ka wan lyngba ka wah Brahmaputra ka thnem bha hynrei katba nang iaid ki sngi, ka la nang hiar. U la ong ba katkum ka jingkylla ka por, la hap ban peit da kiwei ki lad ban wanrah ia ka leit ka wan ban kyntiew ia ka ioh ka kot kynthup ka rel, ka liengsuin bad kiwei ki lad ki lynti.
U la ong ba ha ka por ba thmu ban wanrah ia ka rel shwa ka 1998 sha Depa, ka la don ka jingpyrshah jur ia kane hynrei ha u snem 2009-10, haba u don ha ka bor ula iasyllok ia ki paidbah ba kin pdiang ia ka lynti rel ban pyniaid sha Mendipathar bad ki paidbah kila pdiang sngew tynnad.
Ka jingwan ka rel ka la pynkylla ia ki nongrep bad kumjuh ia ki paidbah ha ka leit ka wan, ban kit ban bah ia ki mar ki mata. Hooid, ka don ka jingsngew khia ba kan ktah ia ka jingwan ki briew nabar hynrei ka sorkar ka dei ban wanrah ia ki lad ban iada.
Mynshwa ka don ka jingpyrshah ia ka lynti rel sha Mendipathar ruh, ong u Dr. Mukul
