Shillong: U Lat ka jylla Meghalaya u CH Vijayashankar ula ai khublei da ka ktien Khasi bad Garo sha baroh ki MLA ka ing dorbar shwa ba un ai ka jingkren ha ka dorbar mang tyngka mynta ka sngi. U la panmab ruh namar ba um lah ban iaid namar ba u shitom bad u hap ban wan da ka wheelchair.
Ha ka jingkren jong u, u Lat ula maitphang ia ka jingbuh thong ka sorkar jong u, ban pyllong ia ka Meghalaya ban kynjoh ia ka ioh ka kot kaba 10 billion US dollar ha u 2028. U la maitphang ia ki mat ki jura kiba ka sorkar ka la wanrah ban kyntiew ia ka jylla.
Watla u Lat u kren tang kumba 5 minit eiei namar ka jingbym sngew khlain hynrei katkum ka rule, baroh ki jingkren jong u, la shim ba la kren baroh.
Ula pynkut da kaba ai khublei da ka ktien Khasi bad Garo ruh kumjuh.