Shillong: Ki 29 ngut ki Member of District Council (MDC) jong ka Khasi Hills Autonomous District Council (KHADC) kila pyndep ia ka jingbam smai mynta ka sngi 27 tarik Rymphang hapoh ka iing dorbar ka Council.
Ia kine ki MDC la pynbam smai ka Deputy Commissioner ka East Khasi Hills, ka kong Rosette M Kurbah.
U MDC ka Lyngkyrdem-Laitkroh u bah Shemborlang Rynjah uban shimti kum u Chief Executive Member (CEM) ka KHADC ula bam smai nalor kiwei pat.
Na kine ki 29 ngut, tang u bah Titosstarwell Chyne uba bam smai da ka ktien Khasi. Saw ngut ki dei ki kynthei kiba la shah jied kum ka MDC ba kynthup ia ka Kong Grace Mary Kharpuri na Nongshken, Kong Rona Khymdeit na Nongpoh, Kong Aibandaplin L Nonglait na Mylliem bad Kong Deity Majaw na Malki-Laitumkhrah konstitwensi.
Kine kiba shah pynbam smai kum ki MDC ki kynthup ia 17 ngut na VPP, 5 ngut na ka UDP, 4 ngut na ka NPP, uwei na ka HSPDP bad ar ngut ki MDC shimet.
Ha ka eklekshon kaba dang shu dep pynbna shen, ka seng Voice of the People Party (VPP) ka la jop 17 ngut, katba ka UDP ka jop 5 ngut, ka NPP 4 ngut bad ka HSPDP uwei bad 2 ngut ki kyrtong shimet.
Ka VPP kan synshar marwei ha ka KHADC kaba don 30 ngut ki MDC, katba kiwei ki party kin shong ha ka liangpyrshah.
Ha kajuh ka por, u Deputy Commissioner ka West Jaintia Hills u Shivansh Awasthi kumba la bynshet da u Lat ka jylla.
Ha JHADC, ka NPP ka jop 13 ngut, katba ka VPP ka jop 8 ngut, ka UDP 3, Congress 3 bad 2 ngut ki kyrtong shimet.
Ka NPP kaba jop bun tam ki MDC kan thaw ia ka Executive Committee ryngkat ka jingiatreilang ka UDP, bad ki kyrtong shimet.
Bam smai ki 29 ngut ki MDC ka KHADC kynthup 4 ngut ki kynthei, bam smai u bah Titos da Khasi
