PIB
Hapoh ka jingialam jong u Myntri Rangbah duh Narendra Modi, ka jingshalan ia ki mar rep jong ka India ka la sakhi ia ka jingkiew ka bym pat ju jia mynno, ha kaba bun ki mar ki poi sha iew shabar ri ha ka sien ba nyngkong. Kane ka jingkiew ba kongsan kam dei tang shaphang ka khaii pateng – kadei shaphang ka jingpynkupbor ia ki nongrep, ka jingkyntiew ia ki lad kamai kajih ha ki jaka nongkyndong, bad ka jingbuh ia ka pateng ba riewspah jong ka India ha ka rep ka riang ha ka map jong ka pyrthei. Naduh ki soh haduh ki jingbam tynrai, kine ki jingpynkit ba nyngkong eh ki pyni kumno ka thong Aatmanirbhar Bharat jong ka sorkar Modi ka plie ki lad ba thymmai ia ki nongrep jong ka ri.
Harum kilong katto katne ki jingshalan ba nyngkong ia ki mar rep hapoh ka sorkar:
Ki jingkit ba nyngkong da ka lieng ia ki soh Pomegranate jong ka ri sha Australia
Ha u mawmer ba kongsan na ka bynta ka jingshalan ia ki mar rep jong ka ri, ka India ka la pynkit nyngkong eh ia ki Sangola bad Bhagwa pomegranate sha Australia lyngba ka duriaw. Kane ka kam ka la kyntiew ia ka jingpoi ki soh jong ka India sha ki iew ha Australia, kaba la prat lynti shuh shuh ia kiwei kiwei ki mar jong ka India ban rung sha ki iew ka pyrthei.
La shalan ia ki umsoh Fig ha ka sien ba nyngkong sha Poland
Ki soh Purandar fig ba kyrpang jong ka India ba la ioh GI-tag mynta ki pawnam bha ha Europe. Ha u snem 2024, ka sorkar Modi ka la iarap ban shalan ia ka umsoh ba nyngkong jong ka India, ba shna na ki soh Purandar fig sha Poland. Ha u 2022, ka jingshalan kalong sha Germany ruh. Ki soh Purandar fig ki pawnam bha namar ka jingbang bad ka jingbha jong ki. Kane ka kam ka long ka jingjop ba kongsan ban kyntiew ia ki mar rep ba kyrpang jong ka India ha ka rynsan kylleng ka pyrthei.
La shalan ia u soh Dragon ha ka sien ba nyngkong sha London, Bahrain
Kum shi bynta ka jingkyntiew ka India ban pyniar ia ka jingshalan jong ka ia ki soh, u soh dragon uba don kyrhai ka fiber bad mineral, ba la tip ruh kum ‘Kamalam’ ha ka thain, la shalan sha London bad Bahrain ha u snem 2021. Ki soh ba la shalan sha London kidei kiba shim na ki nongrep jong ka thain Kutch ha Gujarat, katba ki soh ba shalan sha Bahrain kidei kiba la shim na ki nongrep jong ka West Midnapore (West Bengal).
Ka jingkit ba nyngkong kum ka jingpyrshang ia ki soh Pomegranate sha US
Ha u 2023, ka India ka la shim ia ka sienjam ba heh ban pyniar ia ka jingdon jong ha ha ki iew ha America da kaba shalan ha ka sien ba nyngkong kum ka jingpyrshang ia ki soh pomegranate lyngba ka liengsuin sha USA. U soh Bhagwa’ pomegranate na Maharashtra u dei uba don lad bha ban shalan bad jan 50 per cent ka jingshalan ia u soh na ka ri kadei na Solapur distrik jong ka jylla.
La shalan ia u ‘Leteku’ na Assam sha Dubai
Ha ka jingkyntiew ia ka thain shatei lammihngi, ha u snem 2021, ka jingkit ba nyngkong eh ia ki soh grape Burmese, ba ju tip kum ‘leteku’ ha ka ktien Assamese, la phah na Guwahati sha Dubai lyngba Delhi. Kane ka jingshalan ka la wanrah ia ki mar bam jong ka Assam sha kylleng ka pyrthei, kaba pyni ia ki lad ba don ha ki jylla ka thain shatei lammihngi jong ka ri ha ka khaii pateng bad kiwei kiwei ki ri.
U sohphan na Tripura sha Germany
Ka Germany ka la ioh mad ia u sohphan jong ka India na Tripura ha u snem 2021. Ha ka sien ba nyngkong, la shalan ia ki sohphan na Tipura sha Germany lyngba ka liengsuin. Ka jingkit ba nyngkong kalong shi metric ton ki sohphan ba la kaweh lama na Agartala. Kane ka pyni ia ki sienjam jong ka sorkar Modi ba la pyntrei ban wanrah ia ki jylla ka thain shatei lammihngi hapoh ki kam shalan mar bam jong ka India.
U sohmynken ‘Raja’ na Nagaland sha London ha ka sien ba nyngkong
Ha u snem 2021, ha ka jingkyntiew ia ka jingshalan ia ki mar GI na ka thain shatei lammihngi, la shalan ia u sohmynken Raja na Nagaland sha London lyngba Guwahati da ka liengsuin ha ka sien ba nyngkong. Namar ka jingkloi ban pyut, ka jingshalan kalong kaba kham jynjar, hynrei ka India ka la plie lad ia ka jingpynkit da ki liengsuin kaba pyni ia ka bor jong ka India ban pynkit ia ki mar rep ba kyrpang.
Ka jingshalan ba nyngkong ia u khaw saw na Assam sha USA
Ha u 2021, ha ka jingkyntiew ia ka jingshalan khaw jong ka India, ka la don ka jingpynkit ba nyngkong ia u khaw saw sha USA. U khaw saw uba bun kyrhai ka iron udei uba ju rep ha them Brahmaputra jong ka jylla Assam, khlem ka jingpyndonkam dawai. Ia u khaw la tip kum ‘Bao-dhaan’, uba long shi bynta ka jingbam jong ki Assamese.
Ka jingpynkit ba nyngkong ia u sohtrun Vazhakulam na Kerala sha Dubai & Sharjah
Ha u 2022, ka India ka la kaweh lama ia ka jingkit ba nyngkong ia u “sohtrun Vazhakulam” ba la ioh GI tag na Vazhakulam, Ernakulam, Kerala sha Dubai & Sharjah, UAE. Lyngba kane ki nongrep sohtrun kin ioh ka kamai kajih kaba kham biang bad kyntiew shuh shuh ia ki mar rep jong ki ha ki iew kylleng ka pyrthei.
Kiew ka jingshalan ia ki mar rep jong ka India: Ki jingpynkit kiba nyngkong eh kiba la thaw histori
