Shillong: Dang shisnem eiei mynta ki shipai jong ka hynniewtrep achik national movement ki la leit da ki spah ngut ban pynlong jingiakhih ha Jantar Mantar ha nongbah Delhi ban dawa na ka bynta ki lai tylli ki mat jong ka jaitbynriew kata ka Inner Line Permit, ban pynrung ia ka ktien Khasi ha ka khyrnit ba Phra Jong ka riti synshar ka ri india bad ban pynbeit noh ia u pud u sam hapdeng ka jylla Meghalaya bad ka Assam.
Hynrei haduh mynta ruh ka sorkar India ka dang sngap jar jar halor kine ki jingsawa, kumta sa shisien biang ki shipai jong ka HANM kin leit ban pynkhih win ha nongbah Delhi ban pynkynmaw biang ia ka sorkar India ba ka dei ban pynurlong ia kine ki jingdawa.
Ka kynhun ba nynngkong ka ban ialam da u President rangbah u bah lamphrang Kharbani Kan mih ha ka 23 tarik u rymphang 2025 bad ka kynhun kaba ar pat kan mih ha ka 24 tarik u rymphang 2025. Ka jingiakhih ka hanm kan long ha ka 25 tarik unrymphang 2025. Ha kane ka sngi ba ki dkhot kin ia khih sha Delhi ki dkhot ka hanm kiba don ha kylleng ka rinkhasi Jaintia ruh kin ia snohkti lang kum ka dak ka jingaimynsiem da kaba pynher lama ha kylleng ki jaka kum ha motphran bad shawei pat.
Khreh ki shipai ka HANM ban tur biang sa shisien sha nongbah Delhi
