Shillong: Ka seng sain pyrthei ka Voice of the people (VPP) ka la ujor sha ka Commissioner & Commissioner ka tnad District Council Affairs (DCA) ba ym dei ban ai laitluid ha ki Rangbah Shnong, ki Sordar ba kin pyrkhing ia ka jingialap elekshon MDC.
Ha ka shithi sha u Commissioner & Secretary mynta ka sngi, ka VPP ka la kam ba ki don ki Rangbah Shnong/ Sordar ha Khasi bad Jaintia Hills kiba kyntait ban ai jingbit ban pyllong ia ka jingialap elekshon lane kiba ai jingbit thymmit bha ka por bad kane ka la ktah ia ka VPP bad ki kyrtong ban pyndep ia ka jingialap elekshon.
Ha ka shithi, kaba la soi u Dr. Ricky J Syngkong uba dei u General Secretary ka VPP, u la ong ba ki don ruh ki shnong kiba pyrkhing ban ialap elekshon lait noh tang ki common platform.
Kane ka jingleh jong ki, ka la pynkhein ia ka hok ban pynpaw laitluid katkum ka riti synshar ka ri India jong ka article 19 (1).
Ula kyntu ia u Commissioner & Secretary ba ka jingleh jongki Rangbah Shnong, Sordar, ka long kaba beain bad ula kyntu ba u dei ban un pynmih ia ka jingbthah sha baroh ki Rangbah Shnong, sordar ba kin kiar na kaba buh diengpynkiang ia ki kyrtong bad ka party na kaba ialap elekshon.
Ujor ka VPP ha C&S ka DCA pyrshah ia ka jingpyrkhing ki RS/Sordar
