Shillong: Ka Federation of Khasi Jaintia and Garo People mynta ka sngi kala kynduh ia u joint director jong ka National Institute of Fashion Technology (NIFT) ban dawa sangeh khot tender ka ba la pynbeit ban khot ha ka 29 tarik u bnai kyllalyngkot.
U Bah Kitborlang Nongphlang uba dei u vice President ka FKJGP seng kmie ula pynpaw ia ka jingpyrshah ia kane ka jingthmu ban khot tender bad ban plie ia ka tender ha kajuh ka sngi ha kaba iadei bad ki company ba pyniaid ia ki kam security.
U Bah Kitborlang u la ong ka seng ka la pan jingshai na ka NIFT namar ba ki trai jylla kiba pyniaid ia kane ka kam kim dei ban duh, khlem da jer kyrteng iano iano.
U la iathuh ba ki kyndon ba la buh ka long ba kano kano ka company ba ioh kadei ban don lypa 100 klur tyngka bad kawei pat kidei ban don lypa 2 hajar ngut kiba la trei bad ki. Kane kan shem jingeh ia ki briew napoh ka jylla ban kot katkum kane ka kyndon bad lada jia ba ioh lad ki company nabar ka jylla ka sorkar jylla ruh kan duh ia ka khajna kum na ka GST.
Pyrshah ka FKJGP ba buh kyndon T.100 klur bad 2 hajar ki nongtrei ban ioh pahara ha NIFT
