Shillong: U kyrtong jong ka seng Voice of the People Party (VPP) na Mawsynram, u bah Rusievan Shangpliang ula kam lypa ba ka party kan jop donburom ha kane ka ilekshon MDC kaban sa long shen ha u bnai Rymphang.
Haba kren ha ka jingialang ha Mawsynram ha ka sngi ka 29 tarik Kyllalyngkot 2025, u bah Rusievan ula ong ba ka nongrim ka VPP kala khring ia ki nonghikai ban mih shakhmat namar ba lada kim mih mynta, ka lawei ka ri bad ka jaitbynriew kan long mraw.
U Bah Shangpliang ula ong ba watla u don ha ka kam hikai hynrei namar ka jingsngewkhia u la hap ba rung sha ka jylli politik.
Ha kajuh ka por ula kyntu ia ki paidbah ba kim dei ban biej namar ba kin sa don ki party kiba don ha ka sorkar MDA kin sa wan ban pynbiej ban pynthame ia ki paidbah da kumne kumtai.
Ha kajuh ka por, ula kynthoh ba ka sorkar ha ka jaka ban shna ia ki kam ki jam ia ki samla pynban ka pyllut kai ia ka pisa paidbah da kaba pyllong kai ia ki tamasa, bad ki kam sorkar ba la pynbna ruh dap satang ki jing bakla suda.
U Shangpliang ula pynpaw ruh ka jingsngewnguh ia ki paidbah kiba la pynjop donburom ia u Dr Riky Syngkon ha ka MP ilekshon.
Ula kyntu ia ki paidbah ba kin pynjop donburom ia ka party ha kane ka MDC ilekshon bad ha u 2028 sa bishar ia ki kam ba ka VPP kan sa leh.
Kam u kyrtong ka VPP ban jop na Mawsynram
