Shillong: U kyrtong ka HSPDP na Mawsynram u bah Starfing Pdahkasiej u la thep kyrteng mynta ka sngi ha DC ophis.
Haba kren sha ki lad pathai khubor, u bah Starfing ula ong ba ka nongrim jong ka HSPDP ka long ban pynneh, ban iada bad ban pynbha bad halor kine ki ktien phira, un leit ban pynsngewthuh ia ki paidbah ka Mawsynram.
U la ong ba lyngba ka district council, yn pynneh ia ka riti dustur, ka khyndew ka shyiap, ka jinglong kyrpang jong ka jaitbynriew. Ka thong ka long ban peit ba ki it ki hima, ki dei ban don la kijong ki ain namar ba kiba dang don ia ki ain, ki don tang 22 tylli bad tang ha Mawsynram ki don 8 tylli ki Hima ki bym pat don ia la kijong ki ain.
Lada ki paidbah ki pynjop, un iatreilang ryngkat ki Hima, ki Raid bad ki shnong ban don la kijong ki ain. Ka district council ka don la kajong ka bynta kaba iapher na ka sorkar jylla.
U bah Starfing ula ong ba donkam ban pynbeit ia ka ain Khasi Social Custom of Lineage Act kaba la phah rejister ia ki kur namar ba ym dei ban rejister ia ki kur.
Lah ban kyrhuh u Sing na Mawsynram ha ka MDC
