Shillong: U Myntri Rangbah ka jylla u Conrad K Sangma ula pyntip ba ka sorkar jylla ka la pyllut kumba 900 klut tyngka tang ban siew tulop ia ki nonghikai skul bym dei sorkar.
Haba kren ha ka jingiakynduh bad ki nongthoh khubor mynta ka sngi, u Conrad u la ong, “ Ngi pyllut T. 917 klur shi snem ban siew tulop ia ki nonghikai ki skul bym dei sorkar ha ka shi snem”, la ong u Conrad.
U la ong ba ki don shibun jait ki kyrdan skul ha ka jylla ha kaba ki long ka jingtynjuh ia ka sorkar namar ka dawa ia ka jinglut kaba jur lada iasoh lang ia ki baroh hynrei ka sorkar ka dang pyrshang ban leh ia kane namar ba ka jinglut kan kot sha ka shi hajar klur.
Kine ki skul bym dei jong ka sorkar ki don shibun ki kyrdan kum ki SSA, Adhoc, Deficit.
Ha ki skul shimet, la pyniaid da ki kynhun bym dei sorkar nadong shadong hynrei ka sorkar ka shu iarap bad kyrshan ia ki kum ki Adhoc, SSA bad kiwei.
Palat 900 klur la pyllut ban siew tulop ia ki skul shimet, ong u Conrad
