Shillong: Ka Deputy Commissioner ka East Khasi Hills ka Kong Rosette M Kurbah ka la pyntip ba ka jingthep kyrteng na ka bynta ki kyrtong ban iakhun ia ka MDC elekshon sha ka KHADC naduh ka sngi Nyngkong ban wan.
Haba kren mynta ka sngi, ka Deputy Commissioner ka la pyntip ba na ka bynta ka Sohra, bad ka Shella ka jingthep kyrteng kan long ha Sohra Civil Sub-Division bad kumjuh ia ka Lyngkyrdem-Laitkroh bad ka Nongshken kontstitwensi kan long ha ophis Civil Sub-division ha Pynursla.
Kiban thep kyrteng ha DC ophis ki long tang ka Nongspung-Sohiong, Sohryngkham bad ka Mawsynram, katba kiwei kin thep ha ha Inter State Bus Terminal (ISBT) ha Mawiong. Ka jingrah na JN Stadium sha ISBT ka long ban pyllait na ka jingkhapngiah kali, ban ym thut ka jingleit eksamin ki khynnah skul. Ka DC ka la ong ba ka jingniew ia ki vote ruh kan long ha ISBT.
Ka jingthep kyrteng na bynta ka elekshon MDC kan sdang ha ka 27 tarik mynta u bnai haduh 3 tarik u Rymphang 2025. Ka jingthep vote kan long ha ka 21 tarik Rymphang katba ka jingniew kan long ha ka 24 tarik u Rymphang.
Ia ki jingdonkam baroh mynta u snem, la pynkynriah sha ISBT kynthup ka jingpynbiang ia ki mashin thep vote EVM, ki nongleit pyniaid elekshon, bad kiwei ki jingdonkam.
Mynta sdang thep kyrteng MDC ha ISBT, Ka Nongshken bad Lyngkyrdem-Laitkroh ha Pynursla
