Shillong: Ki pulit ka East Khasi Hills mynta ka sngi, kila kem ia uwei u briew na Lower New Colony, Laitumkhrah halor ka jingbyrngem ban pynbthei bom ha sor Shillong.
Ia une u briew la kem hadien ka jingthwet hadien ba la ioh pdiang uwei u briew ia ka sms na number bym tip ha ka 22 tarik mynta u bnai, uba la byrngem ban pynbthei bom ha sor Shillong.
Une uba phah sms ula kam ruh ba u dei na kata ka kynhun Ri Bhoi Gang.
U Superintendent of Police ka East Khasi Hills u bah Vivek Syiem ka la pyntip ba hadien ba la ioh pdiang ia ka FIR, la register Case ha Sadar Police Station bad la pynngat ha ki kyndon bapher bapher jong ka BNSS.
Mar mar, ki pulit kila thwet ia une u briew bad mynta ka janmiet la ioh kem na katei ka jaka.
La tip kyrteng ia une u briew kum u Edward Maiong 37 snem ka rta uba shong ba sah shipor ha Lower New Colony, Laitumkhrah.
Ki pulit ki la ioh kurup ia ka phone kaba u la phah ia ka Message byrngem bad ka jingtohkit ia u ka dang iaid shakhmat.
Ka Kyrwoh ka la pyntip ruh ba ki pulit ki la pynlong ka jingpahara kaba jur ha kylleng ki bynta jong ka sor bad khapsor ruh kumjuh khamtam namarba ka jingrakhe Republic Day ka la hajan eh.
Shah kem uba kam ‘Ri Bhoi Gang’ ban pynbthei bom ha sor Shillong
