Shillong: U Myntri Rangbah ka jylla u Conrad K Sangma ula ong ba ki don sa kumba 60km eiei ki jaka bym pat lah ban ker sainar shiah ha khappud.
Na kine, 3.5 km ka dei ha East Jaintia Hills, 35.9 km ka dei ha West Jaintia Hills, 7.9 km ha South Garo Hills, 14.5 km ha East Khasi Hills, 3.5 km ha South West Khasi Hills.
Haba pyntip halor kane mynta ka sngi, u Myntri Rangbah u la ong ba kaba bun tam ka jaka bym pat dep ban ker sainar shiah ka dei ha West Jaintia Hills. U la ong ba ka bor pulit bad ki BSF ki phikir bha ban peitngor khamtam ha kine ki jaka bym pat dep ban ker sainar shiah.
Ula ong ba ka sorkar kan buddien tyngeh ban pyndep noh ia ka jingker sainar shiah kloi katba lah.
Dang lyngkrang sa kumba 60 km ban ker sainar ha khappud, ong u Conrad
