Nongstoin: Ka Village Health Council Tiehsaw mynta ka sngi ka la ïoh ban pynlong ïa ka Health Baby Show kaba long ruh kum shi bynta ban pyninam ïa la ki khun bad ban khmih bniah ïa kaban thew ïa ka jingkhia, ka rukom bam ki khyllung bad khamtam eh ban tip ïa ka koit ka khiah.
Ha katei ka jingïalang ïa kaba la pynlong ha Dorbar Hall ka shnong Tiehsaw ki khyllung kiba la ïashimbynta ki la don haduh 70 ngut, ha ki thup bapher bapher, ïa kaba la buh haduh lai bynta, kynthup ïa ki khyllung kiba (a) naduh ki bym pat dap bnai haduh 6 bnai,
(b) ki khyllung kiba la kynjoh 6 bnai haduh 9 bnai
(C) bad ki khyllung kiba na ka 9 bnai haduh 2 snem.
Ha katei ka jingïalang la ïadonlang ruh ki riewpawkhmat na ka Ophis DMHO Nongstoiñ kynthup ïa u bah H.Suting BEE Nongstoiñ CHC, bah L.Kharmawlong PMA Nongstoiñ CHC, kong A.L.Lyngkhoi ANM Nongstoiñ CHC, kong G.K. Nonglong ANM Nongstoiñ CHC, ki Asha Workers , ki Anganwadi ka shnong Tiehsaw bad la pynïaid ïa katei ka jingïalang da u bah Moon Dkhar sordar shnong Tiehsaw Nongstoiñ.
Shongshit ka jingiapyni khunlung ha Tiehsaw, Nongstoin
