Shillong: Ka All Jaintia Muster Roll Workers & Labour Union (AJMRWLU), ka la aipor hapoh shiphew sngi ia ka sorkar jylla ba ba kadei ban pyntreikam ia ka Minimum Wages Act bad kadei ban pynkiew ia ka bainong bylla katkum kane ka ain.
Haba kren mynta ka sngi sha ki lad pathai khubor, u Adviser ka AJMRWLU u bah Khroo L Pariat ula ong dang shen ka seng ki Muster Roll ka la pyllong ia ki jingiakhih ban kyntu ia ka sorkar jylla ban pynkiew ia ka bainong bylla ha ka shisien sansnem, hynrei mynta ka jingpynkiew dor bai bylla sngi ka sorkar ka long da khongpong.
U la ong ba ka sorkar ka la pynkiew dor ka pynkiew T.106 ia ki unskilled, ia ki Semi Skilled T.91, Skilled ki long T. 75 bad ki highly Skilled ki long T. 59, kine ki dor ki long na bynta 5 snem, ka bym iahap shuh bad ka jinglong jingman ka dor ka dur ha iew ha hat.
U Bah Pariat ula ong ba ka seng hynne ka sngi kala pynpaw ka jingbym hun iaka rai jong ka Kynhun Myntri Sorkar ban kyntiew bainong nong bylla sngi bad la byrngem ba lada ka sorkar kam lah ban leh eiei ha kine ki 10 sngi, ka seng baroh kawei ka jylla kan shim da kiwei ki rai ba tyngeh.
Halor kane, na ka liang ka seng ki Musteroll ki la phah jingthoh sha u Myntri Rangbah ka jylla, u Commissioner Secretary ka Finance bad la kdew shai ba kin nym pdiang ia ka kane ka dor.
Neh ka bai bylla san snem, ym iahap shuh ia ka jingkiew dor ki marbam mardih
